ديوانية سحر الشرق

أفتتاح ديوانية سحر الشرق

مساء الخير /صباح الخير
اليوم راح نفتتح رسميا ديوانية سحر الشرق
وحياكم الله المكان مكانكم ..

وسع صدرك

اذا عندك أي سالفة

عندك مشكلة ودك تتناقش فيها

اليوم صار لك موقف خطير وضروري

او حصلت لك مشكله بالمدرسه مع طالبه او مع مدرسه

سولفي لنا عنها واحنا راح نحلها لك << عدال يالمرشده الأجتماعيه<<<
او طلعتي طلعه حلو وصورتيها .. خبرينا عنها وحطي الصور
ودك تهذر وتسولف

جلست تدور في المنتدى وما حصلت شي يفرفشك
فلقد وصلت

حياك الله في ديوانية المنتدى
لازم عاد نضيفكم في البدايه
تفضلوا معانا وهذي هي الديوانيه جهزناها لكم

وذوقوا القهوة والحلاوة من ايدي<<<<<<<<كذابه كل شي من البقاله

شعارنا :

(( سولف و أنبســط و وسع صدرك في حدود المعقول وبدون تجريح ))

ديوانية المنتدى منكم واليــكم

وسالفتنا اليوم عن(توم وجيري)

توم وجيري البيت<<<<<<<<يعني اخوك واختك
في كل بيت توم وجيري الاخ الشين الحقود الاناني

والاخت اللي تحب تعاند وتتهاوش وبسرعه تزعل وتصيح

وانا عندي خبرة في هذي السالفه
عندي (مثل العسل ومايكل سكوفليد)
مزعجين ولليوم واهم في هواش
وانا اعرف ان اكثر لاعضاء عندهم نفس المشكله

وانا اليوم اناشدكم<<<<<بدات اخربط

وانا اليوم احب افتح السالفه معاكم
وكل سحليه تشتكي وتطلع همومها على
التمساح الشرير المفترس الجاحد للمعروف<<<<<<عصبت

واتمنى منكم التفاعل

والسـلام عليكم

---> ياكثر هذرتك

تحياتي للجميع

_________________

مثلا انا في بيت اهلي
عندي اختي مثل العسل وما يكل سكوفليد اخوي
والله والله على اقل الاسباب يتهاوشون
اذا بنطلب من المطعم يتهاوشون يتهاوشون يتهاوشون ليــــــــــــن يسكر المطعم للصلاه
ولا البقاله اهي اكثر اسباب الهواش اذا جا اخوي بيطلع يشتري
اختي تطلب طلبات كثير فيعصب اخوي وتقول كيفي هذا بفلوسي
وخلاص ما يطلع يشتري
وعلى الكمبيوتر حدث ولا حرج دائما يتهاوشون عليه
ويقوم الضرب
واهي قويه ما تقصر تطق فيه طق
واهو يطق ظهرها ويمسكها من شعرها واهي دائما
تكسر في اغراضه وتقول انا ما سويت شي
واشكالهم تضحك وتموت من الضحك
يعني اللي يجلس معاهم يتحمل شنو راح يجيله من الضرب والسب
والازعاج ودائما يسوون انفسهم مظلومين والحقيقه ثنينهم ظالمين
وكم مرة كم مرة تخاصموا ويرجعون يتصالحون
وبكرة يتخاصمون وبعد اسبوع يتصالحون
ملينا من هالحاله ما ادري متى يكبرون ونفتك منهم

على فكرة انا دائما اقولهم انتوا <<<<<<<<<نسوان رجل
ههههههههه
الله يهديهم انشاء الله
_________________

وانتوا يلا قولوا لنا مشاكلكم مع اخوانكم
_________________

بصراحة انا واختي الصغيرة دائما نتهاوش

واهي على اقل الاسباب تتهاوش معاي
اشياء سخييييييييفة
مثلا ا ساعات اذا جات امي من المدرسة اروح انا احضنها
بعد امي لازم
وتروح اختي الصغير تقول حق امي مين حضنك اول تقولها مس سارة
وتروح وتطقني طق
مع انها صغيرة بس اهي اقوى مني
هههههههههههه

واشياء تافهه نتهاوش عليها
خخخخخخخخخ
توم وجيري

ماادري متى تكبر وتعقل

يلا قولو لنا مشاكلكم في البيت
_________________

مرسي بنك دريم ع التوقيع الكول

ههههههههههههههههههههههه
الله يقطع شرها اختك
انا اعرفها شينه وقشرة حيل<<<<<<<<ما اقصد القشرة اللي في الشعر
الله يساعد امك علينا
وانا اعرف اللي في سنها لازم يتدخلون في كل شي
والله ضحكتني في البحر لمن ضاعت وراح صوتها

الف شكر لفضح اختك
_________________

انا دائما خناقات مع اخوي الاوسط
اشيا تاافهة

السالفة كلها
كل واحد يتدلع على الثاني ان اهو جا من المدرسة قبل

مرة انا جيت قبله

وعايبت عليه

عصصصصصصصصصصب
بغى يجيه انهيار عصبي

وانا استمر وازيد

مرة اهو جا قبلي
عايب عليا
ولا قلتله شي

اهو يفتح لي الباب وفي الشارع يعايب عليا

يقهر
_________________

هههههههه
هذا اهم التماسيح<<<<<<<<< الاولاد
فاضيين وسخيفين
وعلى اقل سبب عصبوا
وهذا اخوك هادئ لكن من تحت لتحت
الظاهر انه عصبي حيل
والظاهر ان احلى اخو عندك الصغير
شحليله اموت عليه يضحك

مشكورة حبيبتي
_________________

انا مشكلتي ويا اخي المشكله انه دائما نتهاوش على اشياء سخيفه
مثل انا دخلت حجرته بدون ما ادق الباب يعصب
او مثلا انا قعدت على الكمبيوتر ماله عشان بحمل الشي اللي ابيه وبحطه في كمبيوتري
واهوا طالع وما يدري يعصب
او مثل اهوا يقعد علي الكمبيوتر مالي ولا يستاذن
واذا انا قعدت بدون استاذا يعصب
وانا ما اعصب اقوله استاذن عادي راح ارضا
بس يعاند هاذا مشكلتي مع اخوي مايكل سكوفليد
(ان الله مع الصابرين ) هذا مشكلتي ...
مع تحياتي .
_________________

مركز ديار القطيف لتحميل الملفات على الانترنت

الباين عليه هااااااااااااديء

بس من وراكم عصبييييييييي

ياما تحت السواهي دواهي
هههههههه

بس الصغير
بلوى

اذا تكلم

يمة
يمة
يمة
يمة

ما يسكت
نصرخ عليه بس ما يهتم
يقهر

_________________

اي هذا اللي مميز اخوك ياBratz لانه كثير كلام
وكلامه يضحك حيل
الله يخليكم لبعض انشاء الله
ولا يخلي العصبيه والهواش معاكم
_________________

وانتي يا مثل العسل اللي مزيد الهواش بينكم هالكمبيوتر
ما ادري متى يختربون اثنينهم
ويصير العالم بسلام
_________________

الحيا كلها (هواش - وزعل -وفرح) يلا هاذي الحياء
_________________

انا مشكلتي مع مادة النحو

اكرههههههها

و الابلة مكملتها

و البنات يجننونها

بس الحمد لله انا شاطرة فيها

و البلاغة

اففففف

ينرفز

مافيه فايدة في الحياة

اختصار حق هالكلام انا اتنرفز لمن تجي حصتهم
_________________

يعني انتي وماده النحو كانكم توم وجيري
الله يساعدك عليه
وهذي اهي الدراسه
ازيد من توم وجيري حتى
ومدرستكم الظاهر ان ما عندها شخصيه

مشكورين للردود
_________________

مثل العسل اخوك باين علي صج هادئ بس يمنا يسوي روحه
صدقت براتز ياما تحت السواهي دواهي

وانا كمان مع نايس قرل دائما هواش