ديوانية سحر الشرق

وهذا حوض السمك حقهم
انا اعرف ان خالتي متى ما حست بالجوع دخلت ايدها الحلوه
في الحوض وتختار سمكه وتاكلها على طول من الجوع <<<<<هذا اللي سمعته

قالوا لك قطوه الله يغربل شرك عليك سوالف
ضحكتيني
ماعلي اوريك اذا شفتك
_________________

هذا الله يسلمكم برائة اختراع لزوجي العزيز
حصل عليها نتيجة اختراع قدمه لشركة ارامكوا
وهذا الاختراع يوفرللشركه ملايين الدولارات
ويسهل عملية صيانة آبار البترول
وتدرون وراء كل رجل عظيم امرأه
احم احم<<<<<< بدت تمدح نفسها
_________________

مشكورة حبيبتي خالتي على ردودك الحلوة
وانا صراحه نقلت اللي سمعته انتي اذا ثلاجتكم فاضيه
تاكلين السمك لا وتشربين من الماي حقهم بعد

والفال لك ببرائة اختراع يارب
_________________

ماعلي بوريك مرتين
اذا شفتك انا اشرب من ماي السمك
يععععععععععع
_________________

السلام عليكم ورحمة الله وبركاته

سلام محمل بالالم والشأم
سلام كله هم وغم ووجع
سلام كله قهر وحزن وبكاء
سلام الم على الم
سلام منحوس وحظ طايح

سامحوني على هذي المقدمه
لكنها تعبر عن مشاعري الاليمه والمليئه بالقهر

انا الان راح اعرض لكم صور رحلتنا الاولى للمنتدى
وبسبب طول الوقت الذي قضيته في البركه وكثرة الغطس تحت الماء
ادى الى دخول ماء غير نظيف ويحمل ميكروبات
اصبت بالتهاب في الاذن من الداخل والخارج
واصبحت اجازتي في هذا لاسبوع اجازة مرضيه
كلها ادويه والم وملازمه السرير
فلم تكن اجازتي سعيده جدا

المهم .........

اجرنا استراحة (لجين )
من الصباح الا عصر
والاهم.........
ان انتوا فرحتوا واستانستوا ولعبتوا ومرحتوا
وانشاء الله تتكرر من جديد<<<<<<<<ما تعقدت من البركه
كل الاعضاء حضروا الرحله
الا الغاليه (جمر الود) بسبب انشغالها بظروفها الخاصه
لم تستطع الحظور
وحبيت اقولها قلبي على قلبك
والرحله بدونك مالها طعم <<<<<<<<ليش الرحله لها طعم ؟؟؟؟

جلسنا يوم الخميس من الصباح الباكر
واخذت اغراضي وخرجت مع زوجي
واخذنا معنا (مايكل سكوفليد ومثل العسل )اخواني من بيتهم
واختي الاخرى وذهبنا الاستراحه
وكان الجميع موجودين <<<<<<<داائما متاخرة
وهذا المجلس

وحاطين لنا تلفزيون بعد <<<عاشوا عاشوا

وهذي النوافذ والمناظر الي تطل عليها
منظر جدا جميل لكن مخربها اخوي الدب المتين
ركزوا في الصورة علشان تشوفونه

وهذي بعض المناظر

جلسنا وسولفنا وكنت بموت من الجوع وعطيت (بينك دريم )
جائزتها لمن فازت في مسابقة اغرب صورة
انا ادري انها متاخره لكني ما تمكنت من رؤيتها الا هاليوم

جا اخيرا الفطور

واخيرا قمنا نستعد للسباحه
مديت ايدي لشنطتي الا البنات كلهم اختفوا
وين راحوا <<<<<<<يسبحون
وبسرعه بسرعه جهزت اغراضي وطلعت

وهذا الساحه الخارجيه

وعندهم نخله جدا طويله حبيت اني اصورها لكم

وبسرعه بسرعه صعدت الدرج علشان اسبح
وهذا الدرج لندخل على المسبح

واخيرا تحقق حلمي الرائع والجميل و......................

انا عمدا حطيت لكم صور كثيرة للبركه علشان تموتون قهر والشوق لها

وسبحنا ولعبنا اليــــــــــــــــــــــــــــــــــــــن صار وقت الصلاة
ورجعنا للداخل وفرشنا المصلى
الله اكبر..............

صلينا وخلصنا كلنا
وبغينا نرجع نسبح لكن .........
الاولاد الخاينين الغدارين دخلوا وسبحوا
واحنا متفقين ان السباحه للبنات (فقط)
لكن مشيناها وسكتنا
وطلعنا للالعاب نلعب ونشوف الحديقه
وهذي بعض الالعاب

وانا كاني صغير <<<<اصلا انا من كنت صغيرة وحلوة <<<سكتي
جلست العب في الدروفه والله العظيم حسيت اني اطير في الهوا
كان يوم اروع من الروعه والجو احلى من الحلى <<<<بلا تاليف
لكن ناقصنا خالتي حبيبتي
وجلست اصرخ وانا العب كاني اول مرة

وهذي شجرة للتوت <<<<ريحتها حلوة حيل
لكن للاسف كله في الارض

وصار وقت الغدا
لكن للاسف من الجوع والتعب نسيت ما صورت الغذا
كان الغدا يتكون من مندي دجاج ولبن وبيبسي

نتخيل ان هذا المندي <<<<<<<<<<<هههههههههههههههه

تغدينا وشبعنا وموقادرين ننتظر
نبي نروح نكمل سباحه
واثر الاولاد مو راضين يطلعون
انا قلت اقصر الشر وانتظر اشوي
تدرون انا نائبة المدير فانا اللي ادبر الامور <<<<<<<<مالت
انتظرنا انتظرنا وطلعت برا
ابي اكلم اخوي علشان اقوله يلا طلعوا
وما عطاني وجه ولا طلع لي ولا اقدر ادخل المسبح لان كان في اولاد
واحنا البنات كلنا عيونا حمر معصبين Twisted Evil

وخالي كلمهم ولا في فايده
الا انا وصلت خلاص واقف جنب الباب واصرخ
ماااااااااااااااااااااااايكل ماااااااااااايكل <<<هذا اخوي <<<حلفي
ويطلع لي
واصرخ في وجهه بالقوه وانا معصبه <<<<<تدرون الشخصيه قويه
واقول :علما يوصلك ويتعداك اذا ما طلعتوا يالاولاد لا ندخل عليكم ونسبح ولا علينا منكم
اهو المسكين عصب مني وقال يلا يلا يلا الحين بنطلع

والله العظيم بيني وبينكم
انا احس بتانيب الضمير
ليش ما كلمته بالهدوء وليش صرخت عليه قدام الاولاد <<<<استغفر الله

اخوي حبيبي سامحني والله ما قصدت<<بريت ذمتي

وكان الدرج اللي يوصل للبركه يوصل ايضا لصاله كبيرة حيل
جلسنا انتظرنا فيها الاولاد الين يطلعون
وفجاة مر قطيع من الخرفان ما ادري بقر ما ادري عنز المهم انتوا شوافوا الصورة

واخيرا طلعوا واحنا رجعنا نسبح
ليــــــــــــــــــــــــــــــــــــن اخر لحظه من تسليم المفتاح
ولبسنا الملابس النظيفه والعبايه ومشينا
للاسف ما شبعنا
ورحنا بيت خالتي (جدة هانا مونتانا ومس سارة )
ووصلنا وهذا المدخل

وجلسنا في الحديقه لان الجو كان خيالي وفظيع جدا
وصور بعض المناظر منها

وحطينا القوة والشاي وبدات السوالف
وهذي رجول ويد مديرنا (الموقر)

وجات اختي مع بنتها الشينه وحطت شنطتها وبدات السوالف والهذرة <<<<من جديد

وبدات الغروب وقرب وقت صلاة المغرب

دخلنا داخل وصلينا وبنت خالتي تبي تطلع المطعم وتتعشى برى
وخططنا ورحنا مطعم (بيتزا هت )
وطلبنا العشا <<<<<<وناسه
طلعه للكبار فقط
ودخلنا الغرفه
والهندي ما قصر شافنا نسوان واهتم فينا حيل

واخذنا المنيو وطلبنا

وطلعنا وعبينا الصحون بالمقبلات لكن ما في وقت اصورها
على طول خلصنا الاكل

جلسنا نسولف ونتكلم بعدين جا البيبسي

وبعدين البيتزا والبطاطس

يعني بسوي فيها اتيكيت فحطيت البيتزا
بالصحن واكلت بالشوكه <<<<<<<<مالت

وبغيت اخذ قطعه ثانيه فقلت خليني اتدلع واخذ قطعه البيتزا بالملعقه الكبيرة
ما ادري شنو يسمونها وطاحت في الارض
يعني لو انا ما اخذتها بيدي كان ما طاحت <<<<<مالت

واكلنا وشبعنا والحمد لله خلصنا عشا

وفي الاخير جاب الحساب

والحمد لله ربي العالمين

سوري على التاخر في تنزيل صور الرحله لكن بسبب الالتهاب الذي اصاب اذني
ماقدرت اجلس على النت وانزل الصور

بقولكم شي بس لا تعلمون احد
يوم الخميس بروح (استراحه لجين) يعني من جديد
مع زوجي علشان بحتفل بعيد ميلادي (19)
انا من النوع اللي ما اتوب
راح البس سداده للاذان واللي يصير يصير
اهم شي وناستي
بس الله يخليكم لااحد يعلم امي
لانها راح تذبحني الله يخليكم

باي باي
_________________

انا لله
اسم الله عليك
فيختيني عليك حيل
وان اقول وينها
من بعد الرحله
والمنتدى مظلم
شفت الصور مرتين بس مو قادره احس فيها
لاني تضايقت عليك حيل حيل

ماعليك شر عيوني انشاء الله هالحين احسن
انتبهي اذا رحتي مره ثانيه
غمسي قطنه في فازلين شوي وسدي فيها اذنك
يعطيك العافيه
_________________

الله كانت الرحلة
وناسة حييل
وبعد لو جات خالتي
جمر الود كان استانسنا اكثر
انشاالله تتكرر الرحلة
اكثر من 20 مرة
ههههههه
او 50
تراني زودتها
هههههههههه
سلام

_________________

تسلمين لكن ليه مانزلتي الصور بالموضوع المخصص
للرحله في صفحة المناسبات ؟
_________________

كانت الرحلة ونااااااااااسة
وكنت اتمنى ان خالتي جمر الود تكون معانا

احلى شي البركة

مساكين الاولاد
طردتهم لين وصرخت عليهم
هههههه
_________________

وااااااااااااااو صور رائعه و البركة كانت حلوة كثير

عسى تذكرتوني و أهم شيء عند الأكل ما نسيتوني

المرة الثامية لازم تجوا القطيف أقرب إلي

عشان أشوفكم
_________________

ماشاء الله مره الصور حلوه لنخل ..

وانا ماجيت كمان

والف سلامه عيوني ماتشوفي شر

ان شاء الله احسن ..؟

انتبهي لحالك ..

>> مجربتها البارح

الصراحه حمطتوني للنخل

ورحنا البارح رحله بالنخل للأهل .. وبنزل الصور قريب

...

وننتظر صور رحلتك

_________________

مراحب اعضاء وعضوات .. حلوين وحلوات

انا مادري ليه صار لكم زمان مادخلتوا الديوانيه وسولفتوا فيها ..؟
مع انها جديده وديكورها حلو لكن اذا ماعجبكم نغيره .. او يمكن الشاي
مايعجبكم .. هم راح نغيره لكن خلونا نسولف .. اليوم عندي لكم سالفه ..
والسالفه هذي هي قصة مثل ..! والمثل هذا يبين حب النساء للزواج
في جميع الأعمار .. والله بغبسه على قولة اخوانا الكويتيين حتى لو كانت عجوز
ودايم تتهمون الرجال هالمسكين هالضعيف اللي لا حول له ولا قوه بأنه هو
اللي دايم يبغى يتزوج .. اسمعوا أصل هذا المثل وكيف صار

المثل : انت تفتهم ازيد من القاضي

اصل المثل هو
ان امراة عجوز في السبعين من عمرها طلبت من ابنها ان ياتيها ( بجوز ) فأحضر
لها جوز نعال

العجوز مو هاذا ... اريد جوز
فحار في امرها ولم يدري ما يفعل فقال لة احدهم خذها معك الى السوق وهناك
انواع مختلفة من الجوز فحملها على ظهرة وسار حتى منتصف الطريق فصادف قاضي في
الطريق فسالة القاضي هاي وين رايح يافلان
قال الابن هذة الوالدة تريد جوز وحاير ما داادري أي نوع تريد فضحك القاضي
وقال ابني انت غشيم هذة ماتريد جوز هاي تريد زوج
الابن مولانة هاي عمرها فوق السبعين شسوي بالزوج
وكانت العجوز تسمع مايدور بين القاضي وابنها فضربت ابنها على راسة وقالت لة
اسكت ولك لاتلغي هواي

(انت افهم من القاضي ) يعني حبت تقول لولدها ان كلام القاضي هو الصح
فذهب قولها مثلا
_________________

هههههههههههههههـ اما مظلومين

لا والله جبارين انتوا ع المرءاه هههههههههه

كل الشكر ع القصه

_________________

احنا جبارين ..؟ انتوا اللي تحبون السلطه والوحده فيكم
نسره ياكافي ولا تخافون الله فينا احنا يالرجال يالضعوف
ياللي كلنا براءه
_________________